وزیراعظم نے آج وفاقی کابینہ کا اجلاس طلب کر لیا

میڈیا رپورٹس کے مطابق وزیراعظم شہباز شریف کی زیر صدارت وفاقی کابینہ کے اجلاس میں ملکی سیاسی اور معاشی صورت حال پر مشاورت کی جائے گی،اجلاس میں وفاقی کابینہ 3 جون کو ہونے والے ای سی سی فیصلوں کی توثیق کرے گی۔

بتایا گیا ہے کہ کابینہ اجلاس میں وفاقی بجٹ کی تیاری اور مہنگائی پر بات سمیت لوڈشیڈنگ پر بریفنگ کے بعد اہم فیصلے لیے جائیں گے جبکہ الیکشن کمیشن کی سالانہ رپورٹ 2021ء بھی کابینہ میں پیش کی جائے گی۔