نبی کریم ﷺ کی شان میں سرعام گستاخی انتہائی قابل مذمت ہے:مولانا طارق جمیل

سماجی رابطے کی ویب سائیٹ ٹوئیٹر پر جاری پیغام میں مولانا طارق جمیل نے کہا کہ ایسی گستاخانہ حرکتیں مسلمانوں کے جذبات کو ٹھیس پہنچانے کے لیے ہر تھوڑے عرصے میں کہیں نا کہیں کی جاتی ہیں۔

انہوں نے اس مسئلے پر امت کے اتحاد پر زور دیتے ہوئے کہا کہ امتِ مسلمہ کو یک زبان ہو کر ایسے گستاخانہ اقدامات کی عالمی سطح پر بھرپور مذمت اور آواز اٹھانی چاہیے.

نبی کریم ﷺ کی شان میں سرعام گستاخی انتہائی قابل مذمت ہے. ایسی حرکتیں مسلمانوں کے جذبات کو ٹھیس پہنچانے کے لیے ہر تھوڑے عرصے میں کہیں نا کہیں کی جاتی ہیں. امتِ مسلمہ کو یک زبان ہو کر ایسے گستاخانہ اقدامات کی عالمی سطح پر بھرپور مذمت اور آواز اٹھانی چاہیے.
#إلا_رسول_الله_يا_مودي

— Tariq Jamil (@TariqJamilOFCL) June 6, 2022

اسسے قبل او آئی سی، سعودی عرب، قطر، کویت اور دیگر عرب ملکوں کی جانب سے بھی انڈیا کی حکمراں جماعت بھارتیہ جنتا پارٹی  کی ایک رہنما کی جانب سے پیغمبر اسلام ﷺ سے متعلق گستاخانہ تبصرے کی  شدید مذمت کی تھی۔

چیئرمین سینیٹ صادق سنجرانی نے بھی ناموس رسالت پر ایوان سے متفقہ طور پر مذمتی قرارداد منظور کروانے کا اعلان کرتے ہوئے کہا کہ میرے دستخط کے ساتھ قرارداد کی کاپی اقوام متحدہ کے دفتر جمع کروائی جائے گی، ایوان بالا کا 3 رکنی وفد اقوام متحدہ کے دفتر جا کر اپنا احتجاج ریکارڈ کروائے گا۔