گرفتاری کا معاملہ : پی ٹی آئی رہنماؤں نے عبوری ضمانتیں دائر کردیں

لانگ مارچ، توڑ پھوڑ، کار سرکار میں مداخلت اور پولیس اہلکاروں کو زخمی کرنے کا معاملہ، پنجاب حکومت نے تحریک انصاف کیخلاف درج مقدمات میں انسداددہشت گردی کی دفعات شامل کر دیں، تحریک انصاف کے رہنماؤں کے ورانٹ گرفتاری بھی حاصل کر لیے۔

انسداد دہشت گردی عدالت کی جج عنبر گل نے پی ٹی آئی رہنماؤں کے وارنٹ گرفتاری جاری کر دئیے۔ تحریک انصاف کی رہنما ڈاکٹر یاسمین راشد، میاں محمود الرشید، میاں اسلم اقبال کے وارنٹ گرفتاری جاری کئے گئے ہیں۔

اسکے علاوہ سینٹر اعجاز چوہدری، شفقت محمود، میاں اکرم عثمان کے وارنٹ گرفتاری بھی جاری کر دئیے گئے۔ تحریک انصاف کے رہنما یاسر گیلانی، مراد راس اور حماد اظہر کے بھی وارنٹ گرفتاری حاصل کر لیے گئے۔

پولیس نے استدعا کی کہ تمام ملزمان کی تفتیش کے لیے گرفتاری مطلوب ہے۔ پراسیکیوشن نے دلائل دئیے کہ ملزمان نے توڑ پھوڑ کی، سرکاری املاک کو نقصان پہنچایا اور پولیس اہلکاروں کو زخمی کیا۔ جبکہ یاسمین راشد ورانٹ جاری ہونے کے بعد عدالت میں پیش ہوگئی ہیں