سیریز کا آخری میچ، پاکستان کا ٹاس جیت کر بیٹنگ کا فیصلہ

پاکستان اور ویسٹ انڈیز کے درمیان کھیلی جانے والی 3 میچز کی سیریز کے آخری میچ میں قومی کرکٹ ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا۔

ملتان میں جاری سیریز کے آخری میچ میں قومی ٹیم میں 2 تبدیلیاں کی گئی ہیں، حارث رؤف کی جگہ شاہ نواز دھانی جبکہ شاہین شاہ آفریدی کی جگہ حسن علی کو آج کے میچ کا حصہ بنایا گیا ہے۔

شاہنواز دھانی اپنا ون ڈے ڈیبیو کر رہے ہیں، اس موقع پر شاہین شاہ آفریدی نے شاہنواز دھانی کو اپنا ون ڈے کیپ پیش کیا جس پر تمام کھلاڑیوں نے مبارک باد پیش کر کے حوصلہ افزائی کی۔

یاد رہے کہ پاکستان ٹیم پہلے ایک روزہ میچ میں مہمان ٹیم کو 5 وکٹوں سے اور دوسرے میچ میں 120 رنز سے شکست دے کر سیریز میں فیصلہ کن برتری حاصل کر چکی ہے۔