سعودی عرب میں جس طرح والہانہ استقبال کیا گیا،شکریہ کے الفاظ نہیں : وزیراعظم

سرکاری ٹی وی کے مطابق وزیراعظم شہباز شریف کی سعودی عرب کی کاروباری شخصیات، سرمایہ کاروں سے ملاقات میں مختلف موضوعات پر گفتگو ہوئی۔

اس موقع پر وزیر اعظم کا کہنا تھا کہ سعودی وفد سے ملاقات کرکے بہت خوشی ہو رہی ہے، پاکستان سعودی بھائیوں کا دوسرا گھر ہے، ملاقات میں مختلف امور میں باہمی تعاون کے فروغ کے لیے وسیع تبادلہ خیال کا موقع ملا۔

انہوں نے کہا کہ ماہ مقدس میں سعودی ولی عہد کی جانب سے دورے پر بلایا گیا تھا،جس طرح میرے وفد کا والہانہ استقبال کیا گیا شکریہ کے الفاظ نہیں۔

وزیراعظم شہباز شریف نے مزید کہا کہ دورہ سعودی عرب انتہائی کامیاب اور مفید رہا،پاکستان اور سعودی عرب یک جان دو قالب ہیں۔