چیف الیکشن کمشنر کا آرمی چیف کو مراسلہ

میڈیا رپورٹس کے مطابق چیف الیکشن کمشنر سکندر سلطان راجہ نے چیف آف آرمی اسٹاف جنرل قمر جاوید باجوہ کو لکھے گئے مراسلے میں درخواست کی ہے کہ سندھ میں ہونے والے بلدیاتی انتخابات اور پنجاب کے ضمنی الیکشنز میں سیکیورٹی فراہم کی جائے۔

مراسلے میں چیف الیکشن کمشنر نے پاک فوج سے این اے 245 کراچی اور سوات کے ضمنی الیکشن کے لیے بھی سیکیورٹی فراہم کرنے کی درخواست کی ہے۔

علاوہ ازیں مراسلے میں چیف الیکشن کمشنر نے گزشتہ انتخابات میں پاک فوج کے تعاون کی تعریف بھی کی، انہوں نے کہا کہ گزشتہ عام انتخابات سمیت ضمنی و بلدیاتی الیکشن میں پاک فوج نے مثالی کردار ادا کیا۔