افغانستان کے زلزلہ زدگان کیلئے امدادی سامان روانہ

ترجمان کے مطابق وزیراعظم شہبازشریف کی خصوصی ہدایت پر قدرتی آفات سے نمٹنے کے ادارے نے افغانستان کے زلزلے سے متاثرہ افراد کے لئے امدادی سامان روانہ کردیا ہے۔

این ڈی ایم اے ترجمان کے مطابق خیموں ، ترپال ، کمبل اور ضروری ادویات کی کھیپ آٹھ ٹرکوں پرمشتمل ہے۔

پاکستان نے مشکل کی اس گھڑی میں افغانستان کومکمل تعاون کایقین دلایاہے۔

 واضح رہے کہ افغانستان میں منگل کی رات گئے 6 اعشاریہ 1 شدت کا زلزلہ آیا تھا جس کے نتیجے میں 1000 سے زائد افراد ہلاک ہوئے جبکہ زلزلے سے   600 سے زیادہ زخمی ہوئے تھے۔