پنجاب اسمبلی کے 3 افسران ملازمت سے فارغ

تفصیلات کے مطابق گزشتہ 2 روز کے دوران ڈپٹی اسپیکر کے اسٹاف افسر اور ڈپٹی پبلک ریلیشنز آفیسر شاہد محمود خان سمیت پنجاب اسمبلی کے 3 افسران کو ملازمت سے فارغ کیا گیا ہے۔

جاری نوٹیفکیشن کےمطابق اسپیکر چودھری پرویز الہیٰ نے 2 افسران جبکہ سیکرٹری اسمبلی محمد خان بھٹی نے ۱ افسر کو نوکری سے برخاست کیا، تینوں افسران کو انکوائری کےبعد الزامات ثابت ہونے پر فارغ کیا گیا۔

بتایا گیا ہے کہ اسپیکر پنجاب اسمبلی چودھری پرویز الہیٰ نے ڈپٹی اسپیکر کے اسٹاف افسر امان خالد وائیں اور ڈپٹی پبلک ریلیشنز آفیسر شاہد محمود خان کو ملازمت سے برطرف کیا، سیکرٹری پنجاب اسمبلی محمد خان بھٹی نےاسسٹنٹ پروٹوکول آفیسرعظیم احمدبٹ کونوکری سےبرخاست کیا۔