بھارت: مسلم شخصیات کے ناموں سے منسوب شہروں کے نام تبدیل

بھارتی ریاست مہاراشٹر کی حکومت نے مسلم شخصیات کے ناموں سے منسوب شہروں کے نام تبدیل کردیئے۔

بھارتی میڈیا کی رپورٹ کے مطابق مہاراشٹر کے وزیر اعلیٰ ادھو ٹھاکرے نے اعلان کیا ہےکہ اورنگ آباد شہر کا نام تبدیل کرکے سمبھاجی نگر جب کہ عثمان آباد کا نام بدل کر دھارا شیو کر دیا گیا ہے۔

اس موقع پر انہوں نے مستعفیٰ ہونے کا اعلان کرتے ہوئے کہا کہ ہم نے کئی اچھے کام کئے ہیں، لیکن ہمارے اچھے کام کو نظر لگ گئی۔

انہوں نے کہا کہ ہمیں تعاون دینے کیلئے شرد پوار جی اور سونیا گاندھی جی کا شکریہ ، میں گورنر کا بھی شکریہ ادا کرتا ہوں ۔

اپنے خطاب کے دوران انہوں نے کہا کہ مجھے اس بات کا دکھ ہے کہ جن کو ہم نے دیا ، وہ مجھ سے ناراض ہیں اور جنہیں کچھ نہیں دیا ، وہ ہمارے ساتھ ہیں ۔