پنجاب میں 100 یونٹ بجلی کے مفت پیکج پر پی ٹی آئی کا رد عمل

سابق وزیر مملکت برائے اطلاعات و نشریات فرخ حبیب نے کہا ہے کہ پنجاب کی جانب سے 100 یونٹ بجلی کے مفت پیکج کا اعلان ضمنی انتخابات میں کھلے عام دھاندلی ہے۔

سماجی رابطے کی ویب سائیٹ ٹوئیٹر پر جاری پیغام میں انہوں نے کہا کہ حمزہ شہباز کا 100 یونٹ بجلی مفت دینے کا پیکیج پنجاب کے 20 حلقوں میں ضمنی انتخابات میں کھلے عام دھاندلی ہے اور سپریم کورٹ کے احکامات کی خلاف ورزی ہے۔

انہوں نے کہا کہ وزیر اعلیٰ سپریم کورٹ کے احکامات کی خلاف ورزی کرکے توہین عدالت کر رہے ہے کیونکہ ان 20 حلقوں کے نتائج نے فیصلہ کرنا ہے کہ 22 جولائی کو پنجاب کا وزیراعلیٰ کون ہوگا۔

حمزہ شہباز کا 100بجلی یونٹ مفت دینے کا پیکیج کا اعلان پنجاب کے 20حلقوں میں ضمنی انتخابات میں کھلے عام دھاندلی ہے اور سپریم کورٹ کے احکامات کی خلاف ورزی کرکے توہین عدالت کررہے ہے۔
ان 20حلقوں کے نتائج نے فیصلہ کرنا ہے 22جولائی کو پنجاب کا وزیراعلی کون ہوگا۔ #امپورٹڈ_حکومت_نامنظور

— Farrukh Habib (@FarrukhHabibISF) July 4, 2022

اس سے قبل لاہور میں پریس کانفرنس کرتے ہوئے وزیر اعلیٰ پنجاب حمزہ شہباز نے اعلان کیا کہ گزشتہ چھ ماہ تک 100 یونٹ استعمال کرنے والے گھریلو صارفین جو آئندہ بھی 100 یونٹ تک بجلی استعمال کریں گے ان کا بوجھ حکومت اٹھائے گی۔