سینئر صحافی عمران ریاض خان کو گرفتار کر لیا گیا

تفصیلات کے مطابق اینکر عمران خان کو پشاور سے اسلام آباد جاتے ہوئے اسلام آباد ٹول پلازہ پر گرفتار کیا گیا ہے۔

ابتدائی معلومات کے مطابق گرفتاری کے وقت 25 سے 30 پولیس کے اہلکار موجود تھے، عمران ریاض خان کو اٹک پولیس نے گرفتار کیا ہے۔

پولیس کے مطابق عمران ریاض کے خلاف پنجاب کی حدود اٹک میں ایف آئی آردرج ہے، عمران ریاض خان کو پولیس اسٹیشن منتقل کیا جا رہا ہے۔

دوسری جانب سوشل میڈیا پر سینئر صحافیوں، تحریک انصاف کے رہنماؤں اور دیگر صارفین کی جانب سے عمران ریاض خان کی گرفتاری کی مذمت کی جا رہی ہے۔

رہنما تحریک انصاف اسد عمر نے کہا کہ عمران ریاض خان کی گرفتاری قابلِ مذمت ہے، رائے کے اظہار کا جواب دلیل سے دیا جاتا ہے گرفتاری سے نہیں۔

پی ٹی آئی فرخ حبیب نے عمران ریاض کی گرفتاری کی مذمت کرتے ہوئے کہا کہ اختلاف رائے کو ایسے طاقت کے زور پر دبایا نہیں جاسکتا۔