چودھری شجاعت نے پرویزالٰہی کی حمایت سے انکار کردیا:مونس الٰہی

مسلم لیگ ق کے رہنما مونس الٰہی  کے مطابق چودھری شجاعت نے کہا ہے کہ عمران خان کے امیدوار کی حمایت نہیں کروں گا۔

میڈیا رپورٹس کے مطابق چودھری شجاعت نے چودھری پرویز الٰہی کو ووٹ دینے سے معذرت کر لی ہے۔

اس حوالے سے مونس الٰہی نے کہا کہ میں ماموں (چودھری شجاعت) کے پاس گیا تھا، انہوں نے ویڈیوپیغام ریکارڈ کروانے سے انکارکیا اور کہا کہ عمران خان کےامیدوارکی حمایت نہیں کروں گا۔

میڈیا رپورٹس میں بتایا گیا ہے کہ مونس الٰہی نے کہا کہ میں بھی ہار گیا ہوں، عمران بھی ہار گئے اور زرداری جیت گئے۔