وزیراعلیٰ کے انتخاب کے لیے پنجاب اسمبلی کا اجلاس شروع

تفصیلات کے مطابق پنجاب اسمبلی کا اجلاس شام 4 بجے طلب کیا گیا تھا جس کی صدارت ڈپٹی اسپیکر دوست محمد مزاری کر رہے ہیں۔

میڈیا رپورٹس کے مطابق تحریک انصاف کا کہنا ہے کہ ان کے 186ارکان اسمبلی کمیٹی روم میں موجود ہیں جبکہ ان ارکان اسمبلی کو کمیٹی روم سے باہر نہ آنے کی ہدایت کی گئی ہے۔

پنجاب اسمبلی کے احاطے کے مرکزی گیٹ کو تالا لگا کر بند کردیا گیا ہے اور کسی بھی شخص کو اندر آنے یا باہر جانے نہیں دیا جا رہا۔