ن لیگ کا پی ٹی آئی کے 2 اراکین اسمبلی کے حلف پر اعتراض مسترد کر دیا گیا

تفصیلات کے مطابق  ڈپٹی اسپیکر پنجاب اسمبلی نے تحریک انصاف کے 2 ممبران اسمبلی کے حلف سے متعلق مسلم لیگ ن کے اعتراض مسترد کر دیے ہیں، دونوں اراکین زین قریشی اور شبیر گجر ووٹ کاسٹ کرسکیں گے۔

مسلم لیگ ن کے رہنما نے زین قریشی اور شبیر گجر کے حلف پر اعتراض اٹھا جس میں ان کا کہنا تھا کہ زین قریشی کے پاس ابھی تک قومی اسمبلی کی رکنیت موجود ہے، اس لیے وہ دو ایوانوں کی رکنیت رکھتے ہیں۔

لیگی رہنما خلیل طاہر سندھو نے کہا کہ اسی طرح شبیر گجر پر کیس چل رہا ہے، اس کا بھی ابھی تک نوٹیفکیشن نہیں ہوا وہ بھی ووٹ کاسٹ نہیں کرسکتے۔

لیگی رہنما کے اعتراض پر ڈپٹی اسپیکر نے پی ٹی آئی کے اراکین کے خلاف اعتراض قبول نہیں کیے، انہوں نے کہا کہ دونوں اراکین نے حلف اٹھا لیا ہے اس لیے زین قریشی اور شبیر گجر ووٹ کاسٹ سکیں گے۔

واضح رہے کہ ڈپٹی اسپیکر کی زیرصدارت پنجاب اسمبلی کا اجلاس جاری ہے جس میں وزیراعلیٰ پنجاب کے انتخاب کا عمل شروع ہوچکا ہے۔