پنجاب کی 41 رکنی کابینہ آج عہدوں کا حلف اٹھائے گی

میڈیا رپورٹس کے مطابق پنجاب کابینہ کی حلف برداری کی تقریب آج شام 6 بجے گورنر ہاؤس میں ہو گی جس میں کابینہ کے 41 اراکین اپنے عہدوں کا حلف اٹھائیں گے۔

بتایا گیا ہے کہ تقریب حلف برداری کے تمام انتظامات مکمل کیے جا رہے ہیں اور دعوت نامے بھی بھیجے جا رہے ہیں۔

واضح رہے کہ پنجاب کی وزارت اعلیٰ کے لیے ہونے والے حالیہ الیکشن میں بدمزگی کے بعد چودھری پرویز الٰہی نے وزیراعلیٰ پنجاب کے انتخاب کو سپریم کورٹ میں چیلنج کر رکھا ہے۔

سپریم کورٹ آف پاکستان نے گزشتہ روز چودھری پرویز الٰہی کی درخواست پر فیصلہ سناتے ہوئے حمزہ شہباز کو پیر تک ٹرسٹی وزیراعلیٰ رہنے کا حکمنامہ جاری کیا تھا۔