ہمارا اور تمام اتحادی جماعتوں کا ایک ہی مطالبہ ہے فل کورٹ سماعت کرے: بلاول بھٹو

بلاول بھٹو کا کہنا ہے کہ پیپلز پارٹی اور تمام اتحادی جماعتوں کا ایک ہی مطالبہ ہے کہ اس معاملے کی فل کورٹ سماعت کرے۔

انہوں نے مزید کہا کہ ہمارا اور تمام اتحادی جماعتوں کا ایک ہی مطالبہ ہے کہ ہمیں فل کورٹ چاہیے، یہ نہیں ہوسکتا کہ صرف تین شخص اس ملک کے آئین کا فیصلہ کرے۔

ان کا کہنا تھا کہ ’ہم چاہتے ہیں اس ملک میں جمہوری نظام چلے، ہمیں نظر آرہا ہےکہ کچھ لوگوں کویہ ہضم نہیں ہورہا، آپ سے برداشت نہیں ہورہا ہے کہ عوام اپنے فیصلے خود کریں، آپ سے برداشت نہیں ہو رہا کہ ملک جمہوریت کی طرف جا رہا ہے۔

پاکستان کی سپریم کورٹ کا تین رکنی بینچ آج وزیر اعلیٰ پنجاب کے متنازع انتخاب پر پنجاب اسمبلی میں ڈپٹی سپیکر کی رولنگ کے خلاف پی ٹی آئی اور چوہدری پرویز الہی کی درخواست پر سماعت کرے گا۔

ادھر پاکستان مسلم لیگ نون کی رہنما مریم نواز نے اسلام آباد میں اتحادی جماعتوں کے ساتھ پریس کانفرس میں کہا کہ پارٹی سربراہ کو دیکھ کر عدالتوں میں فیصلے بدل دیے جاتے ہیں۔