آئی سی ای نے نئی ٹیسٹ رینکنگ جاری کر دی ، قومی کرکٹر ز کی ترقی

نئی رینکنگ کے مطابق کپتان بابر اعظم کی ٹیسٹ رینکنگ میں ایک درجے بہتری ہوئی ہے جس کے بعد بابر اعظم تیسرے نمبر پر آگئے ہیں، بابر اعظم اب تینوں فارمیٹ میں ٹاپ تھری میں شامل ہو گئے ہیں۔

انگلینڈ کرکٹ ٹیم کے جو روٹ ٹیسٹ رینکنگ میں بدستور پہلے نمبر پر برقرار ہیں جبکہ آسٹریلیا کے مارنوس لابو شین دوسرے نمبر پر موجود ہیں۔

آسٹریلیا کے اسٹیو اسمتھ ایک درجے تنزلی کے بعد چوتھے نمبر پر چلے گئے جبکہ عبداللہ شفیق 23 درجے ترقی کے بعد 16ویں نمبر پر آ گئے ہیں۔

باؤلرزکی ٹیسٹ رینکنگ میں شاہین شاہ آفریدی ایک درجے ترقی کے بعد چوتھے سے تیسرے نمبر پر آ گئے ہیں، آسٹریلیا کے پیٹ کمنز کا پہلا اور انڈیا کے روی چندرن ایشون دوسرے نمبر پر موجود ہیں۔

علاوہ ازیں بھارت کے جسپریت بھمرا ایک درجے تنزلی کے بعد چوتھے نمبر پر چلے گئے، پاکستان کے حسن علی ایک درجے ترقی کے بعد 13 ویں نمبر پر آ گئے۔