امریکی پابندیوں کا ڈر،فلپائن نے روس سےاہم دفاعی معاہدہ ختم کردیا

تفصیلات کے مطابق امریکی پابندیوں کا ڈر کی وجہ سے فلپائن کے حکام روس سے ہیلی کاپٹر خریدنے کے معاہدہ سے دستبردار ہو گئے ہیں۔

غیر ملکی خبر رساں ادارے کے مطابق فلپائن نے روس سے 16عسکری ہیلی کاپٹر خریدنے کا معاہدہ کر رکھا تھا جس کی مالیت 227 ملین ڈالر تھی۔

 اس حوالے سے فلپائن کے سابق وزیر دفاع ڈیلفن لورینزانا کا کہنا ہے کہ انہوں نے ایم آئی 17 ہیلی کاپٹروں کے حصول کے لیے 12.7 بلین پیسو ($ 227 ملین) کا معاہدہ گزشتہ ماہ ایک فیصلے میں منسوخ کر دیا جسے اس وقت کے صدر روڈریگو ڈوٹیرٹے نے 30 جون کو ان کے عہدے کی مدت ختم ہونے سے پہلے منظور کیا تھا۔

انہوں نے کہا کہ ہمیں پابندیوں کا سامنا کرنا پڑ سکتا ہے، اگر فلپائن روس اور امریکہ کے درمیان بڑھتے ہوئے تنازعہ کے بیچ فلپائن اس معاہدے کو آگے بڑھاتا ہے تو واشنگٹن اپنی ناراضگی کا اظہار کر سکتا ہے۔