تحریک انصاف کے امیدوار سبطین خان اسپیکر پنجاب اسمبلی منتخب

تفصیلات کے مطابق پاکستان تحریک انصاف اور مسلم لیگ ق کے مشترکہ امیدوار سبطین خان پنجاب اسمبلی کے اسپیکر منتخب ہو گئے ہیں جس پر ن لیگ اوراتحادی جماعتوں کے امیدوار سیف الملوک نے ان کو کامیابی پر مبارک باد دی۔ 

اسپیکر پنجاب اسمبلی کے انتخاب میں ووٹوں کی گنتی کا عمل مکمل ہوا تو سبطین خان نے 185 جب کہ ن لیگ کے امیدوار سیف الملوک کھوکھر نے 175 ووٹ حاصل کیے جس پر پینل آف چیئرمین  نے سبطین خان کی کامیابی کا اعلان کیا۔

اس حوالے سے پینل آف چیئرمین وسیم بادوزئی کا کہنا تھا کہ پاکستان تحریک انصاف کے سبطین خان ایوان کے نئے کسٹوڈین ہوں گے، سبطین خان کی کامیابی پر تحریک انصاف کے اراکین نے ایوان میں نعرے بازی بھی کی۔