پاک انگلینڈ سیریز: کراچی اور لاہور نے پاکستان کرکٹ کی تاریخ کے سارے ریکارڈ توڑ دیئے

 پاکستان اور انگلینڈ کی ٹی ٹونٹی سیریز کے موقع پر کراچی اور لاہور والوں نے پاکستان کرکٹ کی تاریخ کے سب ریکارڈ توڑ دیے۔ لاہور میں ہونے والے تینوں ٹی ٹونٹی میچز میں 63 ہزار 45 شائقین نے قذافی سٹیڈیم میں میچ دیکھا۔

99.4 فیصد شائقین کرکٹ نے لاہور قذافی سٹیڈیم میں تینوں دن میچ دیکھا۔ پانچویں ٹی ٹونٹی میں 20 ہزار 969، چھٹے میں 21 ہزار 76 جب کہ آخری ٹی ٹونٹی میچ میں 21 ہزار 100 شائقین کرکٹ نے لاہور میں میچ دیکھا۔ 

کراچی کے چاروں ٹی ٹونٹی میچز میں کل ایک لاکھ 26 ہزار 550 شائقین نے میچز دیکھے اور یوں 7 ٹی ٹونٹی میچز میں ایک لاکھ 89 ہزار 595 شائقین کرکٹ نے کراچی اور لاہور میں میچز دیکھے۔

97.35 فیصد شائقین کرکٹ نے دونوں جگہ پر میچ دیکھ کر تاریخ رقم کردی۔ پاکستان کرکٹ کی تاریخ میں اس سے پہلے اتنی بڑی تعداد میں شائقین کرکٹ نے میچ نہیں دیکھا۔

خیال رہے کہ انگلینڈ کی کرکٹ ٹیم نے 17 سال بعد پاکستان کا دورہ کیا اور 7 ٹی ٹونٹی میچز کی سیریز 3-4 سے اپنے نام کی۔