افغانستان میں کالعدم ٹی ٹی پی اور امارت اسلامی کے درمیان اختلافات ہوگئے

اختلافات کالعدم ٹی ٹی پی کے رہنما عبداللہ مولوی کے گھر کی تلاشی لینے پر ہوئے۔ ٹی ٹی پی مالاکنڈ کےکمانڈر نور سعید محسود کی آڈیو جیو نیوزکوموصول ہوگئی جس میں نور سعید کا کہنا ہے کہ امارت اسلامی نے تنگ کرنا اور گھروں کی تلاشی نہ روکی تو جنگ کی تیاری کی جائے۔

ان کا کہنا تھاکہ  عبداللہ مولوی کے گھرکی تلاشی کیلئے امارت اسلامی کے لوگ آئے، ہم نے ان سے بات کرنے اورافغان طالبان کا چھاپہ ختم کرنے کیلئے ساتھی بھیج دیے ہیں۔

طالبان ذرائع کے مطابق مذاکرات کے نتیجے میں جنگ کا خطرہ فی الوقت ٹل گیا ہے۔