وزیراعظم ہاؤس فون ہیکنگ میں ملوث 2 افراد گرفتار

تفصیلات کے مطابق فون ہیکنگ میں ملوث دو افراد کو گرفتار کرلیا گیا ہے، حکومتی ذرائع نے گرفتاریوں کی تصدیق کردی ہے۔

 دونوں افراد کو خفیہ ادارے نے گرفتار کیا ہے، ایک شخص کا تعلق راولپنڈی کے تعلیمی ادارے سے ہے جبکہ دوسرا شخص وسطی پنجاب کے شہر سے تعلق رکھتا ہے۔

گرفتار افراد کو قومی سلامتی ادارے کے حوالے کردیا گیا ہے، جن سے تحقیقات شروع کردی گئی ہے۔  گرفتار افراد کے ‘ہینڈلرز’ کے بارے میں معلومات حاصل کی جارہی ہیں کیونکہ دونوں افراد وزیراعظم ہاؤس کی سیکیورٹی پرتعینات اسٹاف سےرابطےمیں تھے۔

 گرفتار افراد کے بیانات کی روشنی میں وزیراعظم ہاؤس کی سیکیورٹی پر تعینات عملے کی بھی جلد گرفتاری کا امکان ہیں۔