سونے کی فی تولہ قیمت میں آج 700 روپے کی کمی

صرافہ بازار میں رواں ہفتے کا آغاز بھی گزشتہ ہفتے کی طرح سونے کی قیمت میں کمی کے ساتھ ہوا ہے۔

آل پاکستان جیمز اینڈ جیولرز ایسوسی ایشن کے مطابق آج سونے کے فی تولہ بھاؤ میں 700 روپے کی کمی آئی ہے۔ اس کمی کے بعد ایک تولہ سونا ایک لاکھ 43 ہزار 100 روپے کا ہوگیا ہے۔

اسی طرح 10 گرام سونے کا بھاؤ 600 روپے کمی کے بعد ایک لاکھ 22 ہزار 685 روپے ہے۔

ایسوسی ایشن کے مطابق عالمی صرافہ میں سونے کا بھاؤ 18 ڈالر کم ہو کر ایک ہزار 677 ڈالر فی اونس ہے۔