اقتصادی رابطہ کمیٹی کی برآمدی شعبے کیلئے بجلی کے مسابقتی نرخ برقرار رکھنے کی منظوری

تفصیلات کے مطابق یہ منظوری اسلام آباد میں وزیرخزانہ اسحاق ڈار کی زیرصدارت کمیٹی کے اجلاس میں دی گئی ۔

اجلاس میں فیصلہ کیاگیاکہ پانچ برآمدی شعبوں کو اس ماہ کی پہلی تاریخ سے اگلے سال 30 جون تک 19.99روپے فی یونٹ کے حساب سے بجلی فراہم کی جائے گی جن میں ٹیکسٹائل ،کپاس ،چمڑا،سرجیکل اورکھیلوں کاسامان شامل ہے۔

گندم کی درآمد پربڑھتی ہوئی لاگت کے پیش نظر ای سی سی نے ٹریڈنگ کارپوریشن آف پاکستان کے ٹینڈر معائنے میں ترامیم کی دونوں تجاویز کوفی الحال موخرکردیا۔

اجلاس میں ٹریڈنگ کارپوریشن کوگندم کی مختص مقداردرآمدکرنے کے لئے نیا ٹینڈرجاری کرنے کی بھی ہدایت کی گئی۔