ممنوعہ فنڈنگ کیس : عمران خان کا حفاظتی ضمانت کیلئے اسلام آباد ہائیکورٹ سے رجوع

تفصیلات کے مطابق چئیرمین پی ٹی آئی عمران خان کو فارن ایکسچینج ایکٹ کے تحت درج مقدمے میں گرفتاری کا خوف ہو گیا ۔ عمران خان نےممنوعہ فنڈنگ کیس میں حفاظتی ضمانت کے لیے اسلام آباد ہائی کورٹ سے رجوع کر لیا۔

دائر درخواست میں استدعا کی گئی ہے کہ ایف آئی اے نے فارن ایکسچینج ایکٹ کے تحت مقدمہ درج کر رکھا ہے  ۔ عدالت حفاظتی ضمانت منظور کرے تاکہ متعلقہ عدالت میں پیش ہو سکیں۔

عمران خان کی حفاظتی ضمانت کی درخواست پر رجسٹرار نے تین اعتراضات عائد کر دئیے۔ رجسٹرار کے مطابق عمران خان نے بائیو میٹرک نہیں کرائی ۔ایف آئی آر کی غیر مصدقہ نقل لگائی گئی ہے۔

رجسٹرارآفس نے یہ اعتراض  بھی عائد کیا ہے کہ خصوصی عدالت میں جانے سے پہلے ہائی کورٹ کیسے آسکتے ہیں۔

دوسری جانب سلام آباد ہائیکورٹ نے عمران خان کو  آدھے گھنٹے میں پیش ہونے کا حکم دیا ہے  ، عدالت نے عمران خان کی پیشی تک عدالت نے انتظامیہ کو عمران خان کو ہراساں کرنے سے روک دیا۔ 

واضح رہے کہ گزشتہ روز وفاقی تحقیقاتی ایجنسی (ایف آئی اے) نے سابق وزیراعظم عمران خان سمیت 11 ملزمان پر ممنوعہ فنڈنگ کیس میں مقدمہ درج کیا تھا۔

خیال رہے کہ رواں سال اگست میں الیکشن کمیشن آف پاکستان نے آٹھ سال بعد ممنوعہ فنڈنگ کیس کا فیصلہ سنایا تھا جس کے مطابق پاکستان تحریک انصاف (پی ٹی آئی) نے ممنوعہ فنڈز حاصل کیے ہیں۔