وزیراعظم شہبازشریف 2روزہ دورے پر قازقستان پہنچ گئے

قازقستان کے نائب وزیراعظم نور سلطان بازیف نے شہبازشریف کا استقبال کیا، وزیراعظم شہبازشریف آستانہ میں سیکا سربراہی اجلاس میں شرکت کریں گے ، کابینہ کے ارکان اور اعلیٰ حکام پر مشتمل وفد وزیراعظم شہبازشریف کے ہمراہ ہیں۔

وزیر اعظم قازقستان میں 13 اکتوبر کو سربراہی اجلاس سے خطاب کریں گے، وزیراعظم مشترکہ چیلنجز سے نمٹنے کے لیے سیکا کی اہمیت کو واضح کریں گے، وزیراعظم علاقائی اور عالمی مسائل پر پاکستان کے نقطہ نظر کو اجاگر کریں گے۔

وزیر اعظم مختلف سیکا رکن ممالک کے رہنماؤں کے ساتھ دو طرفہ ملاقاتیں کریں گے۔