اٹارنی جنرل اشتر اوصاف علی نے استعفٰی دے دیا

 اٹارنی جنرل نے استعفٰی دے دیا۔اشتر اوصاف علی نے مزید کام جاری رکھنے سے معذرت کر لی۔  اٹارنی جنرل اشتر اوصاف علی نے اپنے عہدے سے استعفٰی دے دیا ہے،

اشتر اوصاف علی نے خرابی صحت کے باعث مزید کام جاری رکھنے سے معذرت کی۔وزیر اعظم شہباز شریف نے اٹارنی جنرل اشتر اوصاف کو نئی تعیناتی تک کام جاری رکھنے کی ہدایت کی۔ وفاقی حکومت نے نئے اٹارنی جنرل کی تلاش شروع کر دی ہے۔

دوسری جانب پنجاب حکومت کی مشکلات بھی بڑھنے لگیں، ہاشم ڈوگر کے بعد ایک اور صوبائی وزیر مستعفی ہونے کیلئے تیار ہے۔ جنوبی پنجاب سے تعلق رکھنے والے ایک اہم وزیر نے بھی مستعفی ہونے کا فیصلہ کرلیا ۔ 

گزشتہ روز پنجاب کے وزیرداخلہ ہاشم ڈوگر نے اپنے عہدے سے استعفیٰ دے دیا تھا، لیکن یہ سلسلہ ابھی رکا نہیں، بلکہ جنوبی پنجاب سے تعلق رکھنے والے ایک اہم وزیر بھی استعفی دینے کو تیار ہیں۔

ارکان کے یکے بعد دیگرے استعفوں کی خبروں سے پنجاب حکومت مشکلات کی اضافہ ہو گیا ہے، ذرائع کا مزید کہنا ہے کہ آئندہ دنوں میں پنجاب کابینہ کے مزید وزرا بھی استعفے دے سکتے ہیں۔

ذرائع کا کہنا ہے آئندہ دنوں میں پنجاب حکومت کی مشکلات میں مزید اضافہ ہوسکتا ہے، اور ہاشم ڈوگر کے استعفے کے بعد بہت سے مزید استعفے آسکتے ہیں۔

ذرائع کے مطابق استعفوں کی وجہ یہ بتائی جارہی ہے کہ دیگر ارکان بھی قیادت کی اینٹی اسٹیبلشمنٹ پالیسیوں سے اختلاف رکھتے ہیں، اور ہاشم ڈوگر کو بھی عمران خان کے اینٹی اسٹیبلشمنٹ روئیے سے اختلاف ہے۔ 

ذرائع کے مطابق جنوبی پنجاب سے تعلق رکھنے والے وزیر آئندہ چند روز میں استعفی دے سکتے ہیں، اور وزیرخزانہ محسن لغاری نے بھی قیادت کی فرمائش پر وفاقی حکومت کو خط لکھنے سے انکارکر دیا تھا۔
دوسری جانب پنجاب کے وزیر داخلہ کے عہدے سے مستعفی ہونے والے ہاشم ڈوگر نے وزارت چھوڑنے کی وجہ بتا دی۔