متاثرین سیلاب کو سیاسی بنیادوں پر ریلیف دیا جا رہا ہے، کرپشن کے دروازے کھل رہے ہیں، عبدالاکبر چترالی

جماعت اسلامی سے تعلق رکھنے والے سینئر سیاستدان مولانا عبدالاکبر چترالی نے قومی اسمبلی اجلاس سے خطاب کرتے ہوئے الزام عائد کیا کہ متاثرین سیلاب کو سیاسی بنیادوں پر ریلیف دیا جا رہا ہے۔

قومی اسمبلی اجلاس سے خطاب کرتے ہوئے انہوں نے کہا  کہ سیاسی کارکنان کے ذریعے ریلیف کی تقسیم سے کرپشن کے دروازے کھل رہے ہیں۔

مولانا عبدالاکبر چترالی نے اجلاس سے خطاب کرتے ہوئے مطالبہ کیا کہ تمام کسانوں کے زرعی قرضے معاف کیے جائیں، سیلاب متاثرین کو ریلیف کی فراہمی کے لیے پارلیمانی کمیٹی بنائی جائے۔