ترکیہ : کان میں دھماکا ، 28 افراد جاں بحق

 میڈیا  رپورٹس کے مطابق  ترکیہ کے صوبے بارتین کے آماسرہ کی کان میں دھماکے سے کئی افراد زخمی بھی ہوئے ہیں  جن میں  3 کی حالت نازک بتائی جار ہی ہے ۔

ترک میڈیا کے مطابق کان میں 110 کان کن کام کر رہے تھے، کان کن اس وقت   300 میٹر گہرے حصے میں موجود تھے ۔  

ترک حکام کے مطابق کان   سے 11  کان کنوں کو بحفاظت نکال لیا گیا ہےجنہیں طبی امداد دی جارہی ہے جبکہ  اب بھی 49 کان کن پھنسے ہوئے ہیں۔

سوشل میڈیا پر جاری ویڈیو فوٹیج میں بحیرہ اسود کے ساحل پر واقع اماسرہ میں واقع اس جگہ  پر امدادی کارکنوں  سمیت کان کنوں کو بھی   آبدیدہ دیکھا جاسکتا ہے ، لاپتہ افراد کے اہل خانہ اور دوست ، جو اپنے پیاروں کی خبر کا بے چینی سے انتظار کر رہے ہیں۔

دھماکے کی وجہ تاحال معلوم نہیں ہوسکی ہے  تاہم مقامی پراسیکیوٹر آفس نے تحقیقات شروع کردی ہیں۔

یہ امکان ظاہر کیا جارہا ہے کہ  ترک صدر رجب طیب اردگان جائے وقوعہ کا دورہ کریں گے۔