پاکستان کا ایٹمی پروگرام بےقاعدہ ہے : امریکی صدرکا الزام

تفصیلات کے مطابق امریکی صدر نے الزام عائد کیا کہ میراخیال ہے پاکستان  شاید دنیا کی خطرناک ترین ممالک  میں سے ایک ہے جس کے پاس کسی اتحاد کے بغیر جوہری ہتھیار ہیں۔

 امریکی صدر جو بائیڈن نے ڈیموکریٹک کانگریشنل کمپین کمیٹی میں خطاب کے دوران روس اور چین کا حوالہ دیتے ہوئے پاکستان کا ذکر کیا۔

اُن کی جانب سے اس موقع پر کیا گیا خطاب وائٹ ہاؤس کی ویب سائٹ پر شائع ہوا ہے۔ انہوں نے کہا  ہے کہ  دنیا تیزی سے بدل رہی ہے اور ممالک اپنے اتحاد پر نظر ثانی کر رہے ہیں ، اور اس معاملے کی سچائی یہ ہے کہ میں حقیقی طور پر اس پر یقین رکھتا ہوںکہ دنیا ہماری طرف دیکھ رہی ہے، یہ کوئی مذاق نہیں۔

وزیر برائے توانائی خرم دستگیر کا ردعمل 

دوسری جانب پاکستان کے وفاقی وزیر برائے توانائی خرم دستگیر نے امریکی صدر کے بیان پر ردعمل میں کہا ہے کہ صدر بائیڈن کے پاکستان کی ایٹمی پروگرام پر شکوک و شبہات بے بنیاد ہیں۔، پاکستان کا جوہری کمانڈ اینڈ کنٹرول سسٹم بالکل محفوظ ہے۔

خرم دستگیر نے کہا ہے کہ پاکستان کے ایٹمی پروگرام کے پروٹیکشن کی انٹرنیشنل تنظیمیں درجنوں بار تصدیق کر چکیں ہیں۔