ورلڈ بینک کا پاکستان پر مخصوص اصلاحات پر زور

تفصیلات کے مطابق ورلڈ بینک کے صدر نے پاکستان کی معیشت پر جاری ایک بیان میں کہا کہ مالیاتی اور توانائی کے شعبوں میں  اصلاحات پر توجہ مرکوز رکھی جائے ۔ ماحولیاتی تبدیلی کے باعث پاکستان کا انفراسٹرکچر اور زرعی شعبہ متاثر ہوا ہے ، ان اصلاحات سے معیشت مستحکم ہو گی ، پائیدار ترقی کی بنیاد بنے گی۔ 

انہوں نے کہا کہ قابل عمل اقتصادی پالیسیاں منڈی میں اعتماد بحال کرنے کے لیے ضروری ہیں ۔

ورلڈ بینک نے صحت، خوراک، رہائش اور نقد امداد کے لیے پاکستان سے تعاون جاری رکھنے کی یقین دہانی کرا دی۔

عالمی بینک کے صدر نے پاکستان میں سیلاب کی وجہ سے ہونے والے جانی و مالی نقصان پر افسوس کا اظہار بھی کیا ہے۔