حدیقہ کیانی کی والدہ خاور کیانی انتقال کر گئیں

تفصیلات کے مطابق حدیقہ کیانی کی مینجمنٹ ٹیم کی جانب سے یہ  خبر انسٹاگرام اکاؤنٹ کی پوسٹ اور اسٹوری پر شیئر کی گئی ہے۔ حدیقہ کیانی کی پوسٹ میں والدہ کے ساتھ ایک تصویر شیئر کرتے ہوئے اطلاع دی گئی  ہے کہ والدہ ،  دادی اور شاعرہ خاور کیانی اپنے خاندان کے افراد اور دوستوں کی موجودگی میں آج اپنے گھر میں پر سکون حالت میں انتقال کر گئی ہیں ، وہ کئی عرصے سے علیل تھیں۔

پوسٹ میں مزید لکھا گیا ہے کہ ہم اس غم کے موقع پر سب سے درخواست کرتے ہیں کہ اس مشکل وقت میں براہِ کرم ہمارے خاندان کے نجی معاملات کا احترام کریں  اور والدہ کی مغفرت کے لیے دعا کریں ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Hadiqa Kiani (@hadiqakianiofficial)

حدیقہ کیانی کی ٹیم کا اس پوسٹ میں لکھنا ہے کہ بے شک ہم اللّٰہ ہی کے ہیں اور ہمیں اس ہی کی جانب لوٹ کر جانا  ہے، خاور کیانی کو ہمیشہ یاد رکھا جائے گا۔

خاور کیانی نے اپنی زندگی میں کئی کتابیں لکھیں اور اس کے علاوہ پاکستان کے مشہور گانے بھی لکھے جن میں 'بوہے باریاں' اور 1999 کے ورلڈ کپ کا گانا 'انتہائے شوق' شامل ہے۔