ٹی 20 ورلڈ کپ: اسکاٹ لینڈ نے ویسٹ انڈیز کو شکست دے دی

تفصیلات کے مطابق آسٹریلیا کے شہر ہوبارٹ میں آج دو میچز کھیلے جارہےہیں  پہلا میچ  اسکاٹ لینڈ اور ویسٹ انڈیز کے درمیان ہوا  جس میں ویسٹ انڈیز نے ٹاس جیت کر اسکاٹ لینڈ کو بیٹنگ کی دعوت دی۔ اسکاٹ لینڈ کے اوپنرز کی جانب سے ٹیم کو اچھا آغاز فراہم کیا   ، تاہم 5 وکٹوں کے نقصان پر ساری ٹیم 160 رنز بنا کر آؤٹ  ہوگئی ۔

 ہدف کے تعاقب میں  ویسٹ انڈیز کی  ساری ٹیم  118 رنز بنا کر پویلین  لوٹ گئی ۔ مارک واٹ نے تین وکٹیں حاصل کیں۔ 

Big wins against full members in #T20WorldCup openers - Scotland are making a habit out of it!#SCOvWI SCORECARD ▶️ https://t.co/Uv6qubIZUi pic.twitter.com/oBjA53fZK6

— ESPNcricinfo (@ESPNcricinfo) October 17, 2022

دوسرے میچ میں زمبابوے اور آئرلینڈ کے درمیان مقابلہ ہوگا ۔

واضح رہے کہ پہلے مرحلے میں 2 گروپس میں تقسیم 8 ٹیمیں سپر 12 راؤنڈ میں جگہ بنانے کے لیے مقابلہ کریں گی جہاں 8 ٹیمیں اپنی رینکنگ کی بنیاد پر پہلے ہی موجود ہیں۔

پہلے راؤنڈ میں نمیبیا، نیدر لینڈز، سری لنکا اور متحدہ عرب امارات (یو اے ای) گروپ اے جبکہ آئر لینڈ، زمبابوے، ویسٹ انڈیز اور اسکاٹ لینڈ گروپ بی میں شامل ہیں۔

پہلے مرحلے کے اختتام پر 4 ٹیمیں مین راؤنڈ سپر 12 کے لیے کوالیفائی کریں گی، سپر 12 راؤنڈ کا آغاز 22 اکتوبر سے ہو گا جبکہ ایونٹ کا فائنل 13 نومبر کو میلبرن میں کھیلا جائے گا۔

یاد رہے کہ گزشتہ روز نمیبیا نے سری لنکا کو 55 رنز سے اور نیدرلینڈز نے متحدہ عرب امارات (یو اے ای) کو 3 وکٹوں سے شکست دی تھی۔