ٹی ٹوئنٹی ورلڈکپ: وارم اپ میچ میں انگلینڈ کی پاکستان کو 6وکٹوں سے شکست

برسبین میں کھیلے گئے میچ میں انگلینڈ نے پاکستان کیخلاف ٹاس جیت کرفیلڈنگ کا فیصلہ کیا، قومی ٹیم نے پہلے بیٹنگ کرتے ہوئے 19 اوورزمیں 8 وکٹوں پر160رنز اسکورکئے۔

انگلینڈ نے 161رنز کا ہدف 14.4 اوورز میں حاصل کرلیا، ہیری بروکس نے45، بین اسٹوکس نے36رنز بنائے۔

پاکستان کی طرف سے محمد وسیم جونیئر نے 16 گیندوں پر26 رنز بنائے، شان مسعود 39، افتخاراحمد 22، حیدرعلی 18، شاداب خان 14رنزبناکرآؤٹ ہوگئے۔

آصف علی نے 14 اور محمد نواز نے 10 رنز بنائے جبکہ خوشدل شاہ کھاتہ ہی نہ کھول سکے۔

کپتان بابر اعظم وارم اپ میچ میں شریک نہیں ہوئے اور پاکستانی ٹیم کی قیادت شاداب خان نے کی، بارش کی وجہ سے میچ کو 19 اوورز تک محدود کردیا گیا تھا۔