پی سی بی نے بھارتی رویے پر ایشین کرکٹ کونسل کو خط لکھ دیا

ذرائع کے مطابق خط ایشیا کپ کے لیے بھارتی ٹیم پاکستان نہ بھیجے جانے کے بیان پر لکھا گیا۔

ذرائع کا کہنا ہے کہ پاکستان کرکٹ بورڈ نے خط میں سیکرٹری جے شا کے بیان کی مذمت کی  ہے اور اے سی سی کا ہنگامی اجلاس بلانے کا بھی مطالبہ کیا ہے۔

یاد رہے کہ بھارتی کرکٹ بورڈ کے سیکرٹری جے شا (جو اے سی سی کے صدر بھی ہیں)  نے گزشتہ روز اپنے بیان میں خود ساختہ فیصلہ سناتے ہوئے ایشیا کپ نیو ٹرل وینیو پر کھیلنے کا بیان دیا تھا۔

واضح رہے کہ  ایشیا کپ آئندہ سال پاکستان میں شیڈول ہے۔