شہید ارشد شریف کی نمازجنازہ ادا 

تفصیلات کے مطابق ارشد شریف کی  میت کو نمازِ جنازہ کے لیے گھر سے فیصل مسجد پہنچایا گیا ۔ ان  کی تدفین ایچ الیون قبرستان میں کی جائے گی۔

اس موقع پر فیصل مسجد میں سیکیورٹی کے انتہائی سخت انتظامات کیے گئے ہیں ، فیصل مسجد کے اطراف وفاقی پولیس اور ایف سی اہلکار تعینات ہیں جب کہ اور شہریوں کی بڑی تعداد بھی جنازہ گاہ میں موجود ہے ۔

پی ٹی آئی رہنما شبلی فراز، اعظم سواتی اور مراد سعید بھی جنازہ گاہ پہنچ چکے ہیں ان کے علاوہ دیگر سیاسی، سماجی شخصیات، صحافتی برادری سمیت مختلف شعبہ زندگی سے تعلق رکھنے والے افراد نے نمازجنازہ میں شرکت کی ۔

پیر کو معروف اینکر اور صحافی ارشد شریف کو کینیا میں گولی مار کر قتل کر دیا  گیا تھا۔ وزارت داخلہ نے ارشد شریف کی ہلاکت کی تحقیقات کے لیے دو رکنی ٹیم تشکیل دے دی ہے جو بدھ کے روز کینیا روانہ ہو گئی تھی۔