دعا بھٹو کا حلیم عادل شیخ سے علیحدگی اختیار کرنے کا فیصلہ

 پی ٹی آئی رکن سندھ اسمبلی دعا بھٹو اور حلیم عادل شیخ کی ازدواجی زندگی اختتام پر آگئی۔ دعا بھٹو نے حلیم عادل شیخ سے خلع کے لئے ملیر کی فیملی عدالت سے رجوع کر لیا۔ سندھ اسمبلی میں اپوزیشن لیڈر حلیم عادل شیخ نے دعا بھٹو سے 2018 میں شادی کی تھی۔

حلیم عادل شیخ نے دعا بھٹو سے دوسری شادی کی تھی جبکہ دونوں کا ایک بیٹا بھی ہے۔

دعا بھٹو خواتین کی مخصوص نشست سے رکنے اسمبلی ہیں۔دونوں نے 2018 کے عام انتخابات کے فوری بعد شادی کی تھی جسے تین سال تک خفیہ رکھا گیا تھا لیکن جوڑے کے ہاں بچے کی ولادت ہونے پر شادی کو سامنے لایا گیا۔

حلیم عادل شیخ نے تصدیق کی تھی کہ انہوں نے دعا بھٹو سے شادی کی اور ان کے ہاں بیٹے کی پیدائش ہوئی ہے جس کا نام کامل حلیم شیخ رکھا گیا ہے۔