وزیراعظم اورعرب لیگ کے سیکرٹری جنرل کادوطرفہ تعلقات پرتبادلہ خیال

تفصیلات کے مطابق دونوں رہنمائوں نے موسمیاتی تبدیلیوں کے تباہ کن اثرات سے بچائو کے لئے بھرپور تعاون پر اتفاق کیا۔ 

وزیراعظم نے عرب لیگ کے چارٹر اور اس کے حصول کے لئے سیکرٹری جنرل کے عزم کی تحسین کی۔

قبل ازیں وزیراعظم شہبازشریف شرم الشیخ کے بین الاقوامی کنونشن سنٹر میں موسمیاتی تبدیلی عملدرآمد سربراہی اجلاس میں شرکت کیلئے پہنچ گئے ہیں۔

مصر کے صدر عبدالفتح السیسی اور اقوام متحدہ کے سیکرٹری جنرل انتونیو گوتریس نے وزیراعظم کا استقبال کیا ۔

یہ سربراہ اجلاس اقوام متحدہ کی 27ویں موسمیاتی تبدیلی کانفرنس کاحصہ ہے۔

مصر کے ایوان صدرکی دعوت پروزیراعظم کل ناروے کے اپنے ہم منصب کے ہمراہ موسمیاتی تبدیلی اورکمزورطبقات کومضبوط بنانے کے بارے میں ایک اعلی سطح کی گول میزکانفرنس کی مشترکہ صدارت کریں گے۔