وزیراعظم شہباز شریف کورونا میں مبتلا ہوگئے 

تفصیلات کے مطابق سماجی رابطے کی ویب سائٹ ٹوئٹر پر اس حوالے سے جاری بیان میں  وفاقی وزیر اطلاعات و نشریات نے کہا کہ وزیراعظم کی  دو روز سے طبیعت ناساز تھی ، ڈاکٹر کے مشورے سے آج کورونا ٹیسٹ کروایا ہے جو کہ مثبت آیا ہے ۔  

مریم اورنگزیب کا یہ بھی کہنا ہے کہ عوام اور کارکنان سے وزیرِ اعظم شہباز شریف کی جلد صحت یابی کے لیے دعا کی اپیل ہے۔

وزیراعظم شہباز شریف کورونا پازیٹو ہوگئے ہیں۔ دو روز سے طبیعت ناساز تھی۔ ڈاکٹر کے مشورے سے آج کرونا ٹیسٹ کروایا گیا عوام اور کارکنان سے وزیراعظم کی جلد صحت یابی کی دعا کی اپیل ہے۔

— Marriyum Aurangzeb (@Marriyum_A) November 15, 2022

یاد رہے کہ وزیراعظم گزشتہ روز لندن سے وطن  واپس آئے ہیں ۔ شہباز شریف نے لندن میں قیام کے دوران پارٹی قائد نواز شریف سے متعدد ملاقاتیں کیں ، ملاقاتوں میں مریم نواز کے علاوہ خواجہ آصف اور ملک احمد خان بھی شریک ہوئے۔