شجاعت یاپرویز الٰہی ؟ق لیگ کے 10ایم پی ایز نےفیصلہ سنادیا

تفصیلات کے مطابق مسلم لیگ ق کی پارلیمانی پارٹی کے اجلاس میں  ق لیگ 10 ایم پی اے  نے شرکت کی۔ارکان اسمبلی نے چودھری پرویز الہی پر مکمل اعتماد کا اظہار کیا۔اجلاس میں سیاسی صورتحال کا تفصیلی جائزہ لیا گیا۔

پارلیمانی پارٹی نے تمام فیصلوں کا اختیار چودھری پرویز الہٰی  کو دے دیا۔وزیراعلیٰ چودھری پرویز الٰہی کاکہنا تھا کہ عمران خان کا دل و جان سے ساتھ دیتے رہیں گے۔ ہماری پارلیمانی پارٹی متحد اور یکجا ہے ۔

ارکان کا کہنا تھا کہ تحریک عدم اعتماد پر ووٹنگ ہوئی تو پرویز الہٰی سپیکر اور ڈپٹی اسپیکر کو ووٹ دینگے ۔پرویز الہٰی کی قیادت میں ق لیگ کی پارلیمانی پارٹی متحد اور یکجان ہے ، پارلیمانی پارٹی ارکان

چودھری پرویز الہٰی ہمارے لیڈر ہیں۔اختلافات کا پراپیگنڈہ کرنے والوں کے مذموم عزائم ناکام ہوں گے۔

وزیراعلیٰ پنجاب چودھری پرویز الٰہی کاکہنا تھا کہ کہ مسلم لیگ ق متحد ہے اور متحد رہے گی۔افواہیں پھیلانے والے مخصوص ایجنڈے پر چل رہے ہیں۔