رانا ثناء اللہ کب آرہے ہیں سی ایم ہاؤس سیل کرنے: مونس الٰہی

پاکستان مسلم لیگ (ق) کے رہنما مونس الہٰی نے وزیر داخلہ رانا ثناء اللّٰہ سے پوچھا کہ وہ کب آرہے ہیں سی ایم ہاؤس سیل کرنے۔

مونس الہٰی نے وفاقی وزیر داخلہ رانا ثناء اللّٰہ کو مخاطب کرتے ہوئے کہا ہے کہ رانا ثناء اللّٰہ صاحب، میں 8 کلب سی ایم ہاؤس پہنچ گیا ہوں۔

رانا صاحب @RanaSanaullahPK میں 8 کلب سی ایم ہاوس پہنچ گیا ہوں آپ کب آ رہے ہیں سِیل کرنے؟ pic.twitter.com/nSG64I3Yse

— Moonis Elahi (@MoonisElahi6) December 21, 2022

انہوں نے کہا کہ آپ کب آ رہے ہیں اسے سِیل کرنے کے لیے؟

یاد رہے کہ وفاقی وزیر داخلہ رانا ثناء اللّٰہ نے کہا تھا کہ پرویز الہٰی 4 بجے کے بعد وزیر اعلیٰ نہیں رہیں گے۔

وفاقی وزیر داخلہ رانا ثناء اللّٰہ نے جیو نیوز سے گفتگو میں کہا تھا کہ گورنر پنجاب بلیغ الرحمٰن 4 بجے کے بعد نیا ڈیکلیئریشن جاری کر دیں گے۔

رانا ثناء اللّٰہ نے کہا تھا کہ گورنر پنجاب، وزیر اعظم کو درخواست بھی کر سکتے ہیں کہ گورنر راج لگا دیا جائے۔