امپورٹڈ حکومت انتخابات سے بھاگنا چاہتی ہے ، اسمبلیوں کی تحلیل کا فیصلہ حتمی ہے  : وزیر اعلیٰ پنجاب

تفصیلات کے مطابق بحالی کے فیصلے پر رد عمل دیتے ہوئے وزیر اعلیٰ پنجاب  پرویز الہٰی نے کہا کہ منتخب حکومت پر اندھیرے میں شب خون مارنے کی کوشش ناکام ہوگئی، سلیکٹڈ حکومت نے 58 ٹو بی بحال کرنے کی کوشش کی لیکن اس کا راستہ روک دیا گیا۔

پرویز الہٰی نے کہا کہ گورنر پنجاب کو فوری عہدے سے ہٹایا جائے، پنجاب کے عوام کو مبارک دیتا ہوں، عدالت نے گورنر کی آئین شکنی کا راستہ روک دیا۔

وزیر اعلیٰ پنجاب نے کہا کہ ا مپورٹڈ حکومت انتخابات سے بھاگنا چاہتی ہے ،  انہیں عوام کے کٹہرے میں پیش کریں گے۔

ان کا کہنا تھا کہ گورنر کے خلاف صوبائی اسمبلی کی قرارداد اہمیت کی حامل ہے ، قرارداد کی روشنی میں گورنر کے خلاف مس کنڈکٹ کی کارروائی عمل میں لائی جائے۔