احسن اقبال نے پاکستان کی معاشی حالت خراب ہونے کا اعتراف کرلیا

 کراچی میں میڈیا سے گفتگو کرتے ہوئے انہوں نے کہا کہ پاکستان کو استحکام کی ضرورت ہے، سب کو مل کر میثاق معیشت بنانا پڑے گا۔ منفی سیاست کو ترک کرنا چاہیے، ریاست اور ملک سیاست سے بڑے ہوتے ہیں۔

احسن اقبال نے تحریک انصاف کو ہدف تنقید بناتے ہوئے کہا کہ ایک سیاسی جماعت ملک میں منفی پراپیگنڈا کررہی ہے۔ اپنی انا کی سزا ملک کو نہ دیں، نواز شریف کو اقامہ پر نااہل کیا گیا، قائد نون لیگ جلد پاکستان آئیں گے۔