خیبرپختونخوا حکومت نے نگران وزیراعلیٰ کے لیے 2نام فائنل کرلیے

وزیراعلیٰ خیبر پختونخوا محمود خان نے نگران وزیر اعلیٰ کے لیے 2نام فائنل کرلیے ہیں۔حکومت کی جانب سے جاوید اقبال اور صاحبزادہ سعید احمدکے ناموں پر اتفاق کیا گیا ہے

۔محمود خان دونوں نام اپوزیشن لیڈر سے ملاقات کے دوران پیش کریں گے۔جاوید اقبال سابق چیف سیکریٹری رہ چکے ہیں جبکہ صاحبزادہ سعید خان بھی سابق بیوروکریٹ ہیں اور اہم عہدوں پر فرائض سر انجام دے چکے ہیں۔

اپوزیشن کی جانب سے سابق چیف جسٹس ظفراللہ خان کا نام سامنے آیا ہے ۔دوسری جانب خیبر پختونخوا کے اپوزیشن لیڈر اکرم خان درانی کا کہنا ہے کہ عمران خان کی ہدایت پرمحمودخان ان سے سپیکر چیمبرمیں ملاقات کے لیے آرہے ہیں امید ہے ان سے ملاقات میں اہم معاملات پر اتفاق رائے ہوجائے گا۔

انہوں نے کہا کہ ہم سیاسی لوگ ہیں اور سیاسی نوعیت کے فیصلے کرتے ہیں،عوام مہنگائی اور بدامنی سے تنگ آچکے ہیں اب تمام سیاسی جماعتوں کو مل کر عوام کے لیے سوچنا ہوگا۔