پی ٹی آئی کا عمران خان کو پارٹی صدارت سے ہٹانے کی صورت میں جوابی ایکشن پلان تیار

 پاکستان تحریک انصاف نے عمران خان کو پارٹی صدارت سے ہٹانے کی صورت میں جوابی ایکشن پلان تیار کرلیا،

چیئرمین شپ سے ہٹانے کے بعد عمران خان کو پیٹرن اِن چیف بنایا جائے گا۔ تفصیلات کے مطابق  پاکستان تحریک انصاف نے پارٹی سربراہ عمران خان کو پارٹی صدارت سے ہٹانے کی صورت میں آ ئندہ کی حکمت عملی تیار کرلی ہے،

جس کے تحت عمران خان کو چیئرمین شپ سے ہٹانے کے بعد پی ٹی آئی کا پیٹرن اِن چیف بنایا جائے گا، عمران خان نئے عہدے کے ساتھ تمام اختیارات اور سربراہی جاری رکھ سکیں گے۔ 

عمران خان کو پیٹرن ان چیف بنانے کیلئے پی ٹی آئی کے آئین میں بھی تبدیلی نہیں کی جائے گی، بلکہ پیٹرن ان چیف بنانے کی پی ٹی آئی کے آئین میں گنجائش موجود ہے۔ 

عمران خان کو پیٹرن ان چیف بنانے کیلئے اس معاملے کو کورکمیٹی میں رکھا جائے گا اور پھر وہاں سے توثیق کے بعد عمران خان کو پیٹرن ان چیف کے عہدے پر پارٹی کی سربراہی کیلئے بٹھایا جائے گا۔

دوسری جانب نیوزایجنسی کے مطابق اسلام آباد ہائیکورٹ نے چیئرمین پاکستان تحریک انصاف عمران خان کو کاغذات نامزدگی میں اپنی مبینہ بیٹی ٹیریان جیڈ وائٹ کا ذکر نہ کرنے پر ان کی نااہلی کی درخواست پر اپنا جواب دینے کا ایک اور موقع فراہم کر دیا۔

جمعہ کواسلام آباد ہائیکورٹ کے چیف جسٹس عامر فاروق نے ساجد محمود کی جانب سے دائر درخواست کی سماعت کی۔ درخواست میں دعویٰ کیا گیا تھا،

کہ سابق وزیراعظم عمران خان نے برطانیہ میں ٹیریان وائٹ کی کفالت کے انتظامات کئے لیکن اپنے کاغذات نامزدگی میں اور الیکشن لڑنے کے حلف نامے میں اس کا ذکر نہیں کیا۔

درخواست گزار کے وکیل سلمان اسلم بٹ نے چیئرمین پی ٹی آئی عمران خان کی سابقہ اہلیہ جمائما خان کی جانب سے 18نومبر 2004 کے ڈیکلیئریشن پر مشتمل اضافی دستاویز پیش کی۔ 

رپورٹ میں کہا گیا کہ میں نے یہ ڈیکلریشن ٹیریان جیڈ خان وائٹ کی درخواست کی حمایت میں کیا ہے جس میں اپیل کی گئی کہ کیرولین وائٹ (ٹیریان کی والدہ اینا لوئیسا سیتا وائٹ کی بہن) کو ٹیریان کا سرپرست مقرر کیا جائے۔

ڈیکلریشن میں کہا گیا کہ جمائما خان نے ٹائرین جیڈ کے سرپرست کے طور پر خدمات انجام دینے سے انکار کر دیا تھا اور سرپرستی کے لئے کیرولین وائٹ کا نام تجویز کیا تھا کیونکہ وہ سمجھتی تھیں کہ یہ ٹیریان کے بہترین مفاد اور خواہش کے مطابق ہے۔