دوسرا ٹی ٹوئنٹی ، جنوبی افریقہ نے پاکستان کو 6 وکٹوں سے شکست دے دی

پاکستان اور  جنوبی افریقہ کے درمیان کھیلے جانے والے دوسرے ٹی ٹوئنٹی میچ میں  جنوبی افریقہ نے پاکستان کو دوسرا ٹی ٹونٹی 6 وکٹوں سے ہرا دیا  ہے، جنوبی افریقہ نے 141 رنز کا ٹارگٹ 4  وکٹیں گنوا کر حاصل کر لیا۔

جنوبی افریقہ کی جانب سے آئیڈن مارکرم 54 رنز کیساتھ نمایاں رہے۔ پاکستان کے عثمان قادر 2 وکٹیں لے کر سرفہرست رہے ہیں ،پاکستان اور جنوبی افریقہ کے درمیان سیریز 1-1 سے برابر ہو گئی ہیں ۔

اس سے قبل  پاکستان کی ٹیم   20 اوورز میں 9  وکٹوں پر  140 رنز بنا سکی، پاکستان نے جنوبی افریقہ کو جیتنے کیلئے 141  رنز کا ٹارگٹ دیا تھا۔ پاکستان کے محمد رضوان بغیر سکور کیے، شرجیل خان 8 رنز پر آؤٹ ہوئے۔محمد حفیظ 32، اور حیدر علی نے 12 رنز پر پویلین لوٹے۔

 پاکستان کے بابر اعظم  50  رنز بنا کر سرفہرست رہے تھے ۔ جنوبی افریقہ کے جارج لینڈے اور لیزاد ولیمز نے 3،3 شکار کیے تھے ۔دوسرے ٹوئنٹی میچ میں پاکستان نے  جنوبی افریقہ کیخلاف ٹاس جیت کر بیٹنگ کا فیصلہ کیا تھا۔

واضح رہے کہ پاکستان اور جنوبی افریقہ کے درمیان کھیلے جانیوالے پہلے ٹوئٹنئی میچ میں پاکستان نے جنوبی افریقہ کو 4 وکٹوں سے ہرا دیا تھا۔