صدر عارف علوی کورونا وائرس سے صحت یاب ہو گئے

تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں صدر عارف علوی نے کہا کہ آپ سب کی دعاؤں سے میں کورونا سے صحتیاب ہوگیا ہوں  اور  میں نے آج کا دن کام کرکے گزارا ۔

صدر مملکت نے کہا کہ کوروناکے باعث صرف 2 دن بخار اورجسم میں دردہوا تاحال کمزوری ہے۔

عارف علوی کا کہنا تھا کہ یہ فیصلہ اللہ کرتا ہے کہ کس کا وقت آپہنچا ہے۔

صدر پاکستان نے عوام سے ایس او پیز پر عمل کرنے اور ماسک پہننے کی اپیل کی۔

آپ سب کی دعائوں اور نیک تمناؤں کے ساتھ میں کوویڈ سے شفایاب ہوگیا ہوں۔ الحمد اللہ! آج میرا پہلا پورا دن کام پر گزرا ہے۔ اگرچہ بخار اور جسمانی تکلیف صرف دو دن رہی لیکن کمزوری ابھی برقرار ہے۔ زندگی موت کے فیصلے اللہ کرتا ہے لیکن براہ کرم ماسک پہنیں اور ایس او پیز پر عمل جاری رکھیں۔

— Dr. Arif Alvi (@ArifAlvi) April 12, 2021