جرمنی کے چڑیا گھر سے بندر فرار

بین الاقوامی میڈیا کے مطابق جرمنی کے چڑیا گھر سے10 سے زیادہ  بندر کے فرار ہوگئے تھے، انتظامیہ کے مطابق تمام بندر بربری مکاؤ نسل کے ہیں۔

مقامی پولیس کے مطابق  چڑیا گھر میں تعمیراتی کام جاری تھا ہوسکتا ہے اسی وجہ سے بندروں کو بھاگنے کا موقع ملا ہو۔بندروں کو  ایک  علاقے میں گھومتے ہوئے دیکھا گیا تھا ، لیکن چڑیا گھر کا عملہ انہیں دوبارہ پکڑنے  میں ناکام رہے تھے ۔

پولیس کا کہنا ہے کہ  بندروں  نے اچھے موسم کا فائدہ اٹھایا اور دوپہر کا وقت  چڑیا گھر کے قریب جنگل کے کنارے گزارا ۔ جس کے بعد  چڑیا گھر کے عملے نے آخر کار  بندروں کو آرام کرنے کے دوران پکڑ لیا۔

دوسری جانب ایک این جی او کا کہنا ہے کہ  یہ بندر انسانوں کے لیے کسی قسم کا خطرہ ثابت نہیں ہوں گے  کیونکہ یہ ڈرپوک ہوتے  ہیں   اور  انسانوں سے ڈرتے ہیں اس لیے  انسانوں   کو دیکھ کر وہاں سے فرار ہونے میں اپنی عافیت سمجھیں گے۔