مریم نواز آج ایبٹ آباد میں تنظیمی کنونشن سے خطاب کریں گی ،مریم اورنگزیب

پاکستان مسلم لیگ (ن) کا تنظیمی کنونشن آج ایبٹ آباد میں ہوگا ،سینئر نائب صدر اور چیف آرگنائزر مریم نواز تنظیمی کنونشن سے خطاب کریں گی ،مریم اورنگزیب

اسلام آباد: وفاقی وزیر اطلاعات و نشریات و ترجمان مسلم لیگ (ن) مریم اورنگزیب نے کہا ہے کہ ن لیگ کا تنظیمی کنونشن آج ایبٹ آباد میں ہوگا، سینئر نائب صدر اور چیف آرگنائزر مریم نواز تنظیمی کنونشن سے خطاب کریں گی ۔

 وفاقی وزیر مریم اورنگزیب نے کہا کہ مریم نواز کل ایبٹ آباد میں تنظیمی اجلاس کی صدارت بھی کریں گی۔

اجلاس میں پارٹی کے تنظیمی امور زیرغور آئیں گے جس میں پارٹی کو فعال کرنے، تنظیمی ڈھانچے کو مزیدبہتر بنانے پرمشاورت ہوگی۔ مریم نوازپارٹی عہدیداروں اور کارکنوں سے ملاقاتیں کریں گی ۔مریم نواز اس سے قبل بہاولپور ڈویژن کا دورہ کرچکی ہیں۔