وزیر اعظم نے ملک گیر موسم بہار میں شجرکاری مہم کا افتتاح کردیا

اسلام آباد: وزیر اعظم محمد شہباز شریف نے منگل کو اسلام آباد میں موسم بہار کی شجرکاری مہم کا باضابطہ آغاز کیا۔

اس موقع پر وزیراعظم نے خطاب کرتے ہوئے پوری قوم سے اپیل کی کہ وہ اپنی آنے والی نسلوں کے مستقبل کو محفوظ بنانے کے لیے شجر کاری مہم میں بڑھ چڑھ کر حصہ لیں۔

 انہوں نے مزید کہا کہ اس مہم کے دوران ملک بھر میں دو سو چالیس ملین درخت لگائے جائیں گے، شہباز شریف نے موسمیاتی تبدیلی کے منفی اثرات سے نمٹنے کے لیے ملک کے جنگلات کے رقبے کو بڑھانے پر زور دیا۔

انہوں نے کہا کہ حالیہ تباہ کن سیلاب جس نے معیشت کو تیس بلین ڈالر کا نقصان پہنچایا اور لاکھوں افراد کو بے گھر کر دیا اس نے جنگلات کی اہمیت کو مزید اجاگر کر دیا ہے۔

وزیر اعظم نے مزید کہا کہ ہمیں شہری علاقوں میں ماحولیاتی تحفظ اور سرسبز علاقوں کو بڑھانے کے لیے عملی اقدامات کرنے ہوں گے، اس حوالے سے تعلیمی اداروں اور مدارس میں آگاہی بڑھانے پر زور دیا جائے گا۔